378               TESTAMENTS ENREGISTRÉS AU PARLEMENT DE PARIS             (618)
Et premierement, le dit maistre Nicolas de l'Espoisse volt et ordonna, veult et ordonne que à frere Nicole de Rainville, religieux des Carmes à Paris, pour et en lieu de la somme de deux frans qu'il lui avoit laissiez en son dit testament, en ampliant le dit lais, feust et soit par ses exe­cuteurs par lui esleuz en son dit testament et cy dessoubz nommez paiée et baillée, et par ce present codicille lui laissa et laisse la somme de quatre escuz d'or, parmi ce que icellui frere Nicole sera tenuz de dire et celebrer pour icellui maistre Nicolas après son trespas, pour le salut et remede de son ame,, huit messes basses.
Item, volt encores el ordonna le dit maistre Nicolas de l'Espoisse que à Guibert le Normant, son clerc, qui longuement et loyaument l'avoit et l'a servi, pour el en lieu de la somme de quarante frans que par son dit testament lui avoit donnez et laissiez, feust aussi par ses diz executeurs paiée et baillée, et par ce dit present codicille lui laissa et laisse la somme de cinquante escuz en or, afin qu'il soit tenus prier Dieu pour lui.
Item, le dit maistre Nicolas, de sa certaine science, donna et laissa, et par ce present codicille donne et laisse à damoiselle Jehanne, sa fille, pour elle, ses hoirs et ayans cause, à tousjours perpetuelment sa terre, seignoiïe et revenue de l'Espoisse au Lombart, ensemble toutes les ap­partenances et appendences à ycelle terre etseignourie, sans riens en excepter, pour tout tel droit de succession que la dicte damoiselle Jehanne pourroit avoir, pretendre et demander par maniere de hoirrie ou autrement en tous les biens meubles, debtes et possessions immeu­bles quelzconques que aura, tendra et possidera le dit maistre Nicolas de l'Espoisse, sou pere, au jour de son trespas, en voulant, ordonnant et expressement commandant a sa dicte fille que de ce feust, soit el veuille estre contente, attendu qu'elle avoit et a eu en son mariage grant quantité de ses biens, et que par long temps depuis yceilui ma­riage l'avoit et a gouvernée à ses despens, et encores faisoit et l'ait de jour en jour.
Et en tant qu'il touche ie résidu et demourant de tous ies biens meubles, debtes, heritages et possessions immeubles quelzconques du